السلام عليكم ورحمة الله وبركاته

آه.... مضى زمن طويييل! بالقوة أشوف الأزرار من كثر الغبار!!

توني أستوعب إني من النوع اللي يميل إلى الاختفاء.. شهر.. شهرين... ممكن سنة! والمشكلة يرجعلكم بعدين بثقة كأنه كان معاكم أمس ولا اختفى ولا شيء!

يب يب، يا كثر العادات السيئة اللي تكون في بني البشر >^>..!

أشوف القاليريات ملاينة أشياء تسيل اللعاب وتحمس اللي ما يتحمس ما شاء الله @_@! ضروري أسوي جولة!

على أية حال، أتمنى إن الكل بخير وصحة وعافية، وعيدكم مبارك، وعمكم أبو سعيد D= !

كعادة كل سنة سويت بطاقة للعيد، فان آرت، المرة هذي ما أظنها تسمى بطاقة >_>"، لتل كوميك، ميبي؟ الأشياء هذي أذكر إن لها اسم معين..

شوفوها هنا

المهم، قبل العيد بيومين اكتشفت إن أفكاري للسنة هذي زيرو! مع إن كان عندي أفكار مجهزتها، بس كلها تبخرت مع الذاكرة الجميلة حقتي!

وقتها شفت هوليك عند أختي، فخطر ببالي الموقف بسرعة.. وفي نص شغلي عليها، تذكرت إني في الصيف فكرت أسوي البطاقة بـHoney & Clover ، وكان هذا على آخر الوقت فما قدرت للأفس مع إني كنت مرة متحمسة >.>

واليومين اللي فاتوا كالعادة عزايم وتهاني وروحوا بيت فلان وعند أم فلان إلخ..  =_=

في احتمال عموما أسويها خلال اليومين القادمة مع إن العيد قرب يخلص على قولتهم _^_، بحاول.. أو أخليها فكرة السنة الجاية؟ >> بسجلها أجل عشان ما أنساها _^_"

إني وي، ما عندي شي محدد أتكلم عنه اليوم، فحتكلم لكم عن أنمي، أو بالأصح في حالتي، مانجا البطاقة شوي، من باب المعلومات وتبادل الآراء..

افترض إن في ناس يعرفونه أو سمعوا عنه...

xxxHolic هي مانجا من إنتاج قروب المانجاكا اللي يسمون نفسهم CLAMP...يب، هم نفسهم اللي سووا المانجا القديمة المشهورة، كارد كابتور ساكورا،.. واستخدموا الشخصيتين الرئيسيتين حقته ، شاوران وساكورا، وصلحوا المانجا المشهورة حالياً Tsubasa: RESERvior Chronicle اللي موجهة لفئة أكبر سناً من السابقة. كأنهم يبغونها للأجيال اللي كبرت على كارد كابتور ساكورا وحبوا يشوفونهم مرة ثانية...

الشي اللي أبغى أقوله هو مانجا هوليك تكمل مانجا تسوباسا... وضروري جداً إذا كنتم تتابعون أحد السلسلتين، إنكم تتابعونهم مع بعض لأن فيهم أحداث متداخلة.. وتؤثر في فهمكم للقصة..
مانجا هوليك تلقي الضوء على ساحرة البعد يوكو-سان اللي عرفتوها في مانجا / أنمي تسوباسا.. مع شخصية نشوف شكلها عند محل الساحرة، في بداية أحداث تسوباسا..
وغير كذا هوليك تدور أحداثه بشكل رئيسي حول ذاك الشاب اللي كان في بنتين صغار يجرونه للمخزن عشان يجيب الموكونات على ما أظن، واتانوكي كيميهيرو... وحكايته مع ساحرة البعد، ومع أصحابه...ومع ساكورا وشوران..

على فكرة، الأنمي شال الاتصالات اللي حصلت ما بين السلسلتين، مع إنهم جابوا سيرتها في الأوفات الجديدة... لذا النصيحة المعتادة مني هي: خلوكم دايما على المانجا!..

طبعا رسمة العيد كان فيها شخصيات رئيسية من هوليك، عندكم:

"واتانوكي كيميهيرو": هذا خطير في شغل البيت والنفخ والطبخ.. عنده قدرة على رؤية الأرواح والشعور بالأشياء غير الطبيعية، قلبو طيب ويهتم كثير بغيره، دايم التذمر مع ذلك ما يشيل شي في صدره.

" يوكو ساحرة البعد " : ما رسمتها، ما اعرف اش اقول عنها، بس هي وموكونا يتعاونون على استغلال واتانوكي للآخر!

"دوموكي شيزوكا" : هذا زميل واتانوكي في المدرسة، ما عنده قدرة على رؤية الأشباح لكنه عند القوة على قتالهم، جده كان خبير في هذي الأمور وعنده كتب قيمة.. هادي وساخر عادة، تعليقاته تضايق واتانوكي دايما، بس وجهه ما يبدي تعبير معين. تقوى صداقتهم مع الوقت.

"موكونا الأسود": هذا يشبه موكونا الأسود، بس من نظرتي الشخصية أحسه عفش شوية، وأنجس _^_،.. أكول!

"مارو" و "(تارو؟)" : البنتين ذولا من العاملين عند الساحرة، يتكلمون زي بعض، ومن اللي يساهمون في المؤثرات الخلفية لأي موقف يغيظ واتانوكي!... فيهم شي عجيب تشوفونه في المستقبل..

تقييمي العام له هو ممتاز في مجاله اللي هو الغموض والمغامرات وما شابهها، مع إنهم عليهم أحيانا غموض يستعبط، أو أشياء مو واضحة التفسير بطريقة... آخ، ما حتفهموا علي >_>".. أو.. أو إمكن هذا لآني ما كملت مانجا تسوباسا من بعد الأنمي >>> وهي كانت تنصحكم بشيء طلعت ما تسويه!!

انتهينا من هوليك، نجي لهوني أند كلوفر ( الأنمي )...أكثر تفضيل عندي من المانجا اللي فوق!

هذا الأنمي اللي أكاد أجزم إن ثلاثة أرباعكم ما شافه، بس أفترض إنكم سمعتوا به على الأقل!

اللي يخليني شبه متأكدة من كلامي، هو إن الواحد إذا يبغى يقرا البريفيو او الملخص حق الأنمي ما حيتحمس له كثير وبالتالي ما حيتابعه!

أولهم أنا،... اشتريته كذا من باب صرف الفلوس، ومن باب إنه اسم قد مر علي والإجازة طويلة..... بس من بعد ما تابعت أول حلقة،... سحرني@@!!

الأنمي هذا من أفضل الأنميات اللي عندي، حسيت إني أتابع شي كامل! مو زي بعض الأنميات اللي لما يسووها من مانغا تخترع أشياء زيادة عن مانغتها أو تغير، ويا ليت للأحسن، إنما للأسوأ!!...

من شدة إعجابي له رحت أدور عن مانغته كعادتي بس للأسف السكانليشن تبع المانجا ما اكتمل (مانجته منتهية )، إن شاء الله يكملوه بسرعة!

الأنمي عبارة عن موسمين، ومنتهي كأنمي، لحدما قديم....بس قصته ومواقفه وأحداثه كلهم فيهم عمق! وأف كورس سوبر كوميديا! شخصيات مو طبيعية!! على رأسهم اللي حطيته في البطاقة، في حياتي ما شفت شخصية في جنونه... حركاته ما لها حدود!

أما الأحداث فمو سهل الواحد يتنبأ بها في طريقة واقعية درامية، آه، فيه تراجيدي لحد ما >.>!<< ما تحب التراجيدي >^>"

بيئة الأنمي مختلفة عن المعتاد، صح إنها ما بعدت عن الدارسة ( جامعة هنا )، يظل، مختلفة جدااا!
فعلا، عالم الأنمي والمانجا ما يصفى إلا على أشياء قليلة جدا، تنقاوات، محصورة، مميزة جدا وما تتكرر...

نحكيكم عنها في مناسبات أخرى إن شاء الله، أسأل الله إنها تكون قريبة!>> أهم شيء

انشرح صدري بالمشاركة هنا مرة ثانية،

دمتم بخير وصحة وسلامة (=